თეგეტა წარმოდგენილია ამიერკავკასიასა და ცენტრალური აზიის ფართო ბაზარზე. არის საქართველოს უმსხვილესი კომპანიების ხუთეულში შემავალი ბიზნეს ჯგუფი და ქვეყანაში ერთ-ერთი ყველაზე დიდი დამსაქმებელი.
თეგეტა მოტორსი, რომელმაც ავტომომსახურების სფეროში ახალი სტანდარტი დაამკვიდრა, მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქი და სატვირთო ავტომობილების, ავტობუსების, სამშენებლო და სპეცტექნიკის დიაგნოსტირებას და შეკეთებას გულისხმობს.
• 28 წლიანი გამოცდილება უსაფრთხო მომავლისთვის
• 27 ფილიალი საქართველოს მასშტაბით
• 3000-მდე დასაქმებული
• 500 000-მდე რეგისტრირებული საცალო მომხმარებელი
• 35 000 -მდე კორპორაციული მომხმარებელი
• 4000-მდე საბითუმო ობიექტი
• 300-მდე პარტნიორი მსოფლიო ბრენდი
• 40-მდე შვილობილი კომპანია
კომპანია 1995 წელს დაფუძნდა. ეს იყო სათადარიგო ნაწილებით მოვაჭრე პატარა მაღაზია. მოგვიანებით კომპანია საბურავების იმპორტს იწყებს და 1998 წელს ისტორიულ ხელშეკრულებას აფორმებს იაპონურ ბრენდთან Bridgestone-თან. ეს თანამშრომლობა გარდამტეხი იყო როგორც კომპანიისთვის, ასევე ქართული ბაზრისათვისაც. თეგეტა იყო ერთ-ერთი პირველი, ვინც რუსული პროდუქციის მსოფლიოს წამყვანი ბრენდით ჩანაცვლების პროცესს შეუწყო ხელი.
თეგეტამ რეგიონის მასშტაბით ლეგენდარული ბრენდის, Bridgestone-ის ნდობის მოპოვება შეძლო და დღემდე იაპონური კომპანიის ყველაზე მსხვილ პარტნიორად რჩება.
2001 წლიდან კომპანია ბაზარზე უკვე ,,თეგეტა მოტორსის“ სახელით ოპერირებს. მცირე მაღაზიიდან კომპანია რეგიონის ბაზრის ლიდერად იქცა, დღეს 300 -მდე მსოფლიო ბრენდის პარტნიორია და 150,000-მდე დასახელების პროდუქტის მიწოდებას უზრუნველყოფს.
აქვს 27 ფილიალი მთელი ქვეყნის მასშტაბით, - თბილისში, ბათუმში, რუხში, ფოთში, ქუთაისში, ახალციხეში, გორში, თელავში, მარნეულში, ხელვაჩაურსა და ახალქალაქში.
დღეს თეგეტა ჰოლდინგი 40-მდე შვილობილ კომპანიას აერთიანებს.
თეგეტა ჰოლდინგში შემავალ კომპანიებში ჯამში 3000-მდე თანამშრომელია დასაქმებული და დღეისათვის საქართველოში ერთ-ერთ მსხვილ დამსაქმებლად ითვლება. ჰოლდინგი ერთ-ერთი პირველი იყო, რომელმაც 2009 წლიდან ბიზნეს პროცესების ავტომატიზაციისა და მუშაობის ეფექტიანობის გაზრდის მიზნით, გერმანული პროგრამა SAP დანერგა, წარმატებით გაიარა ინსპექტირების გარე საკონტროლო აუდიტი, დანერგა შრომის უსაფრთხოებისა და ჯანმრთელობის მართვის ISO 18001:2007 და გარემოს დაცვის მენეჯმენტის ISO 14001:2015 სტანდარტები. თეგეტა მოტორსი არის პირველი ქართული კომპანია ავტოინდუსტრიის სფეროდან, რომელმაც Fitch -ის რეიტინგი მიიღო და ევროპულ საკრედიტო რეიტინგს BB–ს (BB მინუსს) ფლობს.
მუდმივი ინოვაციების დანერგვა და ციფრული ტრანსფორმაცია ჰოლდინგის წარმატების საფუძველია:
თეგეტა მოტორსის უნიკალური სერვისის, “თეგეტა კომფორტის” საშუალებით კომპანია თავის კლიენტებს ავტომობილის სერვის ცენტრში მისვლის გარეშე შეკეთების საშუალებას აძლევს. ამ სერვისის განხორციელებით თეგეტა მოტორსი უქმნის კომფორტს მათ, ვინც აფასებს დროს და არჩევს, თავიდან აირიდოს პრობლემის გადაჭრის პროცედურები.
თეგეტა ერთ ერთი პირველი იყო, ვინც საქართველოში, საავტომობილო სფეროში ელექტრონული კომერცია შესთავაზა სამომხმარებლო ბაზარს. TEGETASHOP.ge - ს საშუალებით მომხმარებელს შეუძლია თეგეტას ასორტიმენტში არსებული ნებისმიერი პროდუქცია შეიძინოს სახლიდან გაუსვლელად.
საინფორმაციო საიტი და დამხმარე სახელმძღვანელო პორტალი MYCARHISTORY, როგორც საცალო, ისე კორპორაციულ მომხმარებლებს საშუალებას აძლევს ერთ სივრცეში მოიძიონ ინფორმაცია ავტომობილზე, ან/და ავტოპარკზე გაწეულ ნებისმიერ სერვისზე თეგეტა მოტორსის ცენტრებში, ნახონ თეგეტაში შეძენილი პროდუქციის ინვოისები, გაფილტრონ სხვადასხვა ნიშნით და ისარგებლონ ონლაინ რეზერვაციით ნებისმიერ ფილიალში, ნებისმიერ სერვისზე,
თეგეტა მოტორსი მომხმარებელს სთავაზობს საქართველოში უნიკალურ მულტიფუნქციურ სადიაგნოსტიკო მოწყობილობას G – CONNECT, რომელის საშუალებითაც, მომხმარებელს შესაძლებლობა აქვს აკონტროლოს თავისი ავტომობილის ტექნიკური მდგომარეობა და გაუმართაობის შემთხვევაში ონლაინ დაგეგმოს სერვისი თეგეტა მოტორსის ნებისმიერ სერვის ცენტრში, გარდა ამისა, პროგრამას გააჩნია ჯიპიესის სტანდარტული ფუნქცია და დამატებითი ოფციები, რომელიც მომხმარებლის კომფორტზე არის ორიენტირებული.
2016 წელს კომპანიამ წარმატებით განახორციელა პროექტი tax free. პროექტს საფუძვლად დაედო საკანონმდებლო ცვლილების ინიცირება, რომელიც გულისხმობს არარეზიდენტი პირების ავტომობილებზე დამონტაჟებული საბურავების დღგ-ს გადასახადის დაბრუნებას. ამ ეტაპზე პროექტი წარმოდგენილია 4 მობილური სერვისის ავტომობილით და 4 სავაჭრო ობიექტით.
კომპანიის ერთ - ერთ უმთავრეს ღირებულებას სოციალური პასუხისმგებლობა წარმოადგენს. ამ კუთხით ჰოლდინგი ოთხი მიმართულებით მუშაობს: გარემოს დაცვა, ქალთა გაძლიერება, ინოვაციების მხარდაჭერა და განათლების ხელშეწყობა,.
თეგეტა ერთადერთი კომპანიაა ინდუსტრიაში, რომელიც ავტორიზებულ პროფესიულ კოლეჯს „თეგეტა აკადემიას ფლობს“ და ყოველწლიურად ასეულობით ახალ კადრს ამზადებს საავტომობილო სფეროსთვის. თეგეტა აკადემია, როგორც ჰოლდინგის შვილობილი კომპანია 2017 წელს დაარსდა და 2019 წელს ოფიციალურად მიიღო პროფესიული კოლეჯის სახელმწიფო ავტორიზაცია. მისი მიზანია მაღალკვალიფიციური სპეციალისტების მომზადება და პროფესიული განათლების პოპულარიზაცია ქვეყანაში.
მრავალი წლის მანძილზე განხორციელებული არაერთი სოციალური, თუ საქველმოქმედო პროექტის საფუძველზე, კომპანიამ სოციალურად მაღალი პასუხისმგებლობის მქონე დამსაქმებლის სტატუსი მოიპოვა და ავტოინდუსტრიის სფეროში ხარისხის უმაღლესი სტანდარტი დანერგა.
თეგეტა მოტორსის ბიზნეს მოდელი უნიკალურია და მსოფლიოში ანალოგი არ მოეპოვება. 2020 წელს მოხდა თეგეტას სრული იჯაილ ტრანსფორმაცია. ბიზნეს მიმართულებების მიხედვით ჩამოყალიბდა სხვადასხვა კომპანია, რომლის მართვასაც თეგეტაში გაზრდილი მაღალპროფესიონალი კადრები უზრუნველყოფენ
თეგეტა მოტორსი - სტანდარტი 1995 წლიდან.
კომპანია „თეგეტა მოტორსის“ სახელით იკავებს პოზიციებს ბაზარზე.
თეგეტას შემანდგენლობაში ჩნდება კომპანია Tegeta Truck and Bus, რომელიც სატვირთო ავტომობილებისა და ავტობუსების მწარმოებელ გერმანულ ბრენდს, MAN-ს, საქართველოში ექსკლუზიურად წარმოადგენს.
თეგეტა პირველი და ერთადერთი კომპანიაა, რომელმაც მსოფლიოში ცნობილი, უმსხვილესი საავტომობილო კონცერნის ნდობის მოპოვება შეძლო.
აღმაშენებლის ხეივანში გაიხსნა თეგეტას ახალი სათავო ოფისი, სადაც კომპანიის ადმინისტრაციული ნაწილია განთავსებული.
ცენტრალურ ოფისთან ერთად, ჯამში 27 000 კვ.მ-ზე, რეგიონში ყველაზე დიდი, მსუბუქი და სატვირთო ავტომობილების მულტიფუნქციური სერვისცენტრი გაიხსნა.
ამავე წელს, თეგეტა გერმანული ბრენდის, BOSCH-ის პარტნიორი გახდა ამიერკავკასიაში და მსუბუქი ავტომობილებისთვის ბოშ-ქარ სერვისი გახსნა თბილისში. ამავე წელს ჰოლდინგი საცხებ - საპოხი მასალების უმსხვილესი ბრენდის MOBIL–ის ექსკლუზიური წარმომადგენელი გახდა საქართველოში.
თეგეტას შემადგენლობაში მსუბუქი ავტომობილების ბიზნესი 2010 წლიდან გერმანულ Porsche-სთან თანამშრომლობით იწყება. იქმნება კომპანია პორშე ცენტრი თბილისი, რომელიც დღეს უკვე რეგიონის მასშტაბით ელექტრო ავტომობილების ჰაბს წარმოადგენს. კომპანია მომხმარებელს პრემიუმ ბრენდის სრულ სამოდელო რიგს, სარემონტო მომსახურებას, ასევე ორიგინალ ნაწილებს, აქსესუარებს სთავაზობს.
პორშეს მექანიკოსები ყოველწლიურად სხვადასხვა ევროპულ ქვეყანაში გადამზადების სპეციალურ კურსს გადიან.
ჰოლდინგი კიდევ უფრო ფართოვდება. მის შემადგენლობაში ჩნდება კომპანია მაზდა ცენტრი თბილისი, რომელიც იაპონური ბრენდის Mazda-ს ერთადერთი ოფიციალური წარმომადგენელია საქართველოში. კომპანიას პირდაპირი კომუნიკაცია აქვს სათავო ოფისთან, რაც ორიგინალი ნაწილების და საგარანტიო სერვისის მიღების საშუალებას აძლევს მის მფლობელებს.
• გაიხსნა ახალი სერვის ცენტრები ფოთსა და ბათუმში. ფოთის სერვის ცენტრი წარმოადგენს ერთ-ერთ საუკეთესო სერვის ცენტრს არქიტექტურისა და ინფრასტრუქტურის თვალსაზრისით, რომელიც მდებარეობს საქართველოს მთავარ თავისუფალ ინდუსტრიულ ზონაში.
თეგეტამ Toyota-ს სათაო ოფისის მიერ გამოცხადებულ კონკურსში გამარჯვების შემდეგ, იაპონური ბრენდის დილერისა და ავტორიზებული სერვისცენტრის სტატუსი მიიღო. ჰოლდინგის შემადგენლობას უერთდება კიდევ ერთი შვილობილი კომპანია Toyota Center Tegeta. შოურუმისა და სერვისცენტრის მშენებლობაში თეგეტამ 11 მილიონამდე დოლარის ინვესტიცია განახორციელა. დღეისათვის კომპანია 1000-ზე მეტ ავტომობილს ყიდის ყოველწლიურად.
კომპანიამ წარმატებით განახორციელა პროექტი tax free. პროექტს საფუძვლად დაედო საკანონმდებლო ცვლილების ინიცირება, რომელიც გულისხმობს არარეზიდენტი პირების ავტომობილებზე დამონტაჟებული საბურავების დღგ-ს გადასახადის დაბრუნებას.
თეგეტა ჰოლდინგს მულტიფუნქციური კოლეჯი თეგეტა აკადემია შეემატა. ეს არის პირველი საგანმანათლებლო ცენტრი, რომელიც საავტომობილო სფეროში პროფესიონალი კადრების მომზადება დაიწყო.
კადემია დაინტერესებულ პირებს მოკლევადიან ტრენინგებთან ერთად ავტორიზებულ სასწავლო პროგრამასაც სთავაზობს. ამ შემთხვევაში კურსდამთავრებულები ცოდნის დამადასტურებელ დიპლომს იღებენ, რომელიც აღიარებულია სახელმწიფოს მიერ.
მსუბუქი ავტომობილების ბიზნესს თეგეტა ახალი შვილობილი კომპანიით აფართოებს. იქმნება Auto Gallery, რომელიც მომხმარებელს როგორც ახალი, ასევე მეორადი ავტომობილების მრავაფეროვან არჩევანს სთავაზობს. მეორადი მანქანების შოურუმის მიმართულებით ჩნდება ახალი სტანდარტი ქართულ ბაზარზე. კომპანია წარმოადგენს ტექნიკურად გამართულ და შემოწმებულ
პრემიუმ კლასის ავტომობილებს, - თეგეტა მოტორსის გარანტიით.
• თეგეტა ხელშეკრულებას აფორმებს შვედურ ავტოგიგანტთან Volvo-სთან და პრემიუმ კლასის ავტომობილების ექსკლუზიური წამომადგენელი ხდება. მაღალი უსაფრთხოებით გამორჩეულ ბრენდს, საქართველოს გარდა, ამიერკავსიასა და შუა აზიაში ვოლვო კავკასია თეგეტას ბრენდის ქვეშ წარმოადგენს. 2021 წლიდან მომხმარებელს შესაძლებლობა აქვს Volvo-ს ციფრული მაღაზიითაც ისარგებლოს.
• Tegeta Truck and Bus -ს და თბილისის სატრანსპორტო კომპანიას შორის გაფორმებული ხელშეკრულებით, 2017 წლიდან დედაქალაქს ჯამში 233 ერთეული MAN-ის მარკის ავტობუსი შეემატა.
2019 -ში კი დედაქალქში დიზელის ძრავზე მომუშავე 90 ერთეული „MAN Lion's City A47“ ავტობუსი გამოჩნდა.
სევე მუნიციპალური ავტოპარკის განახლების პროექტის ფარგლებში, თეგეტა მოტორსმა თბილისის სატრანსპორტო კომპანიას, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის BMC-ის მარკის ავტობუსი გადასცა.
Toyota Center Batumi თეგეტას შვილობილ კომპანიებს შორის, Toyota-ს რიგით მეორე ავტორიზებული ცენტრია და ქალაქ ბათუმშია განთავსებული. თბილისის მსგავსად ბათუმის Toyota-ს ცენტრი შოურუმთან ერთად, სერვისცენტრსაც აერთიანებს. კომპანია Toyota - ს ერთადერთი ოფიციალური დილერია დასავლეთ საქართველოში.
ამავე წელს დაარსდა Tegeta Industry, რომელიც სამრეწველო სფეროში ოპერირებს და სამრეწველო დანიშნულების ისეთი პროდუქციის უმსხვილესი იმპორტიორია, როგორებიც არის ქვის სამტვრევი დანადგარები და მათი ნაწილები, ბეტონის ქარხნები, და ა. შ.
2020 წლის ივნისიდან თეგეტა რენტ ე ქარ, რომელიც 2018 წლიდან ოპერირებს ქართულ ბაზარზე, მსოფლიოში ლიდერი ბრენდის, EUROPCAR-ის ექსკლუზიური პარტნიორი გახდა საქართველოში. კომპანიის ბიზნესპროფილი გახლავთ ავტომობილების გაქირავება, როგორც ტურისტებისთვის, ასევე ადგილობრივი საცალო და კორპორაციული მომხმარებლებისთვის.
გახსენით
