დახურვა
Geo
ჩანაწერი ვერ მოიძებნა

კომპანიის შესახებ

დროა აირჩიო ხარისხი

კომპანიის შესახებ

კომპანიის შესახებ

თეგეტა მოტორსი 1995 წელს დაფუძნდა. თავდაპირველად ის ბაზარზე შპს „ავტოექსპორტის„ სახელით იყო წარმოდგენილი და მისი პირველი მაღაზია თბილისში, ვაჟა - ფშაველას გამზირზე მდებარეობდა. 2001 წლიდან ბაზარზე უკვე „თეგეტა მოტორსის“ სახელით ოპერირებს და დღეს უკვე ჰოლდინგის მასშტაბითაა წარმოდგენილი, რომელიც 26 შვილობილ კომპანიას აერთიანებს და ბაზრის ლიდერია ავტოიდნუსტრიაში არამარტო საქართველოში, არამედ მთელს ამიერკავკასიაში..

ჰოლდინგი ამიერკავკასიის მასშტაბით 26 ფილიალით არის წარმოდგენილი, მომსახურებით სარგებლობა შესაძლებელია საქართველოს ყველა რეგიონში და აზერბაიჯანში.

თეგეტა - ეს არის ბიზნესის 25 წლიანი წარმატების  ისტორია, რომელიც  400 000 მდე საცალო, 4000 მდე საბითუმო და 35 000 მდე კორპორაციულ მომხმარებელს ავტოპროდუქტებისა და ავტოტექმომსახურების სრულ ასორტიმენტს სთავაზობს.

 

  • 2008 წელს გაიხსნა თეგეტა მოტორსის ახალი სათაო ოფისი და რეგიონში ყველაზე დიდი, მსუბუქი და სატვირთო ავტომობილების მულტიფუნქციური სერვისცენტრი.
  • 2013 წელს დაიწყო თეგეტა მოტორსის ახალი მულტიბრენდული დიზელის სერვისცენტრის მშენებლობა, რომელიც სპეციალურად დიზელზე მომუშავე მსუბუქ და სატვირთო ავტომობილებს და სპეც ტექნიკას ემსახურება.
  • 2019 წელს აშენდა ბათუმის რეგიონალური ცენტრი, რომელიც სიდიდით მეორეა თეგეტას ფილიალებს შორის, ემსახურება მსუბუქ, სატვირთო და სპეც ტექნიკის მიმართულებას და დასავლეთ საქართველოს რეგიონალურ ჰაბს წარმოადგენს.
  • 2011 წლიდან თეგეტა მოტორსი  გრუპავტო ინთერნეიშენალის ოფიციალური წევრია, ჰოლდინგს სანდო პარტნიორად  მსოფლიოში 300-მდე წამყვანი ბრენდი მიიჩნევს.
  • 1998 წლიდან კომპანია მსოფლიოში საბურავების ლიდერი იაპონური ბრენდის, ბრიჯსტოუნის ექსკლუზიური დისტრიბუტორია
  • 2003 წელს მსოფლიოში ერთ-ერთი წამყვანი, ყველაზე დიდი ავტოსათადარიგო ნაწილების მწარმოებელი გერმანული კომპანიის ZF-ის წარმომადგენელი საქართველოში.
  • 2006 წელიდან თეგეტა ჰოლდინგში შემავალ ტრანსკავკასიურ სადისტრიბუციო კომპანიას „TDC automotive”–ს ,  SHELL -ის საცხებ-საპოხი მასალები ექსკლუზიურად შემოაქვს როგორც საქართველოში, ასევე სომხეთსა და აზერბაიჯანში.
  • 2008 წლიდან თეგეტა გერმანული ბრენდის, BOSCH-ის პარტნიორი გახდა ამიერკავკასიაში და მსუბუქი ავტომობილებისთვის ბოშ-ქარ სერვისი გახსნა თბილისში. ამავე წელს ჰოლდინგი საცხებ - საპოხი მასალების უმსხვილესი  ბრენდის MOBIL–ის ექსკლუზიური წარმომადგენელი გახდა საქართველოში.
  • 2006 წელს დაარსდა „თეგეტა თრაქ ენდ ბასი“, თეგეტა მოტორსის შვილობილი კომპანია, რომელიც სპეციალიზირდება სატვირთო ავტომობილების, სამშენებლო ტექნიკის, ავტობუსების, მუნიციპალური და სხვა სახის კომერციული ავტომობილების რეალიზაციისა და საგარანტიო მომსახურების სფეროში. „თეგეტა თრაქ ენდ ბასი“ უკვე წლებია წარმოადგენს გერმანული ბრენდის MAN - ის ოფიციალურ იმპორტიორს საქართველოში სატვირთო ავტომობილების მიმართულებით,
  • 2017 წლიდან კომპანიამ თბილისში მანის მარკის საქალაქო ავტობუსების შემოყვანა დაიწყო. „თეგეტა თრაქ ენდ ბასი“ ასევე გახლავთ, ტოიოტა ჰოლდინგის შვილობილი კომპანიის, Hino Motors - ის ოფიციალური წარმომადგენელი საქართველოში. 
  • 2007 წელს დაარსდა კიდევ ერთი შვილობილი კომპანია „თეგეტა ქონსთრაქშენ ექვიფმენთი“, ბრიტანული, N1 სამშენებლო ტექნიკის ბრენდის, JCB -ს ოფიციალური დილერი საქართველოსა და სომხეთში და საგზაო ტექნიკისა და ასფალტის ქარხნების მწარმოებელი კომპანიის AMMANN-ის ოფიციალური პარტნიორი საქართველოში.
  • მსოფლიოს საუკეთესო ბრენდების, MAN, JCB, CAT, HYUNDAI და DRESSTA-ს კატალოგით წარმოდგენილი „თეგეტა რენტალსი“ ჰოლდინგში შემავალი კომმპანიაა, რომელიც სამშენებლო სფეროს ხელშეწყობისთვის შეიქმნა და მისი საქმიანობა მოიცავს, როგორც სპეცტექნიკის გაქირავებას, ასევე სერტიფიცირებული ოპერატორების მომსახურებას.
  • 2010  წელს დაარსდა თეგეტა მოტორსის შვილობილი კომპანია „თეგეტა პრემიუმ ვიიქელს“, პორშეს და მაზდას ოფიციალური წარმომადგენელი საქართველოში.
  • 2011 წლიდან კომპანია პრემიუმ კლასის ავტომობილის „პორშეს“ ოფიციალური იმპორტიორია და მომხმარებელს აწვდის ყველა სიახლეს, რომელსაც პორშე მსოფლიოს სთავაზობს. „პორშე ცენტრი თბილისი“ , რეგიონის მასშტაბით, ელექტრო ავტომობილების სერვისის პირველ ჰაბს წარმოადგენს.
  • 2011 წლიდან თეგეტა პრემიუმ ვიიქელსი იაპონური ბრენდის, მაზდას ოფიციალური იმპორტიორი გახდა. 
  • 2013 წელს თეგეტა მოტორსს მიენიჭა ტოიოტას ოფიციალური დილერის სტატუსი და დაარსდა „ტოიოტა ცენტრი თეგეტა“, სადაც წარმოდგენილია ამ ბრენდის მოდელის ავტომობილები, ორიგინალი პროდუქტები და აქსესუარები.
  • 2014 წლიდან კომპანიამ მიიღო ავტორიზებული სერვის ცენტრის  სტატუსი.
  • 2020 წელს თეგეტა ჰოლდინგს ტოიოტას კიდევ ერთი ოფიციალური დილერი შეემატა. „ტოიოტა ცენტრი ბათუმში“ წარმოდგენილი უახლესი ავტომობილების შოურუმი და სერვისცენტრი ემსახურება ამ რეგიონში არსებულ ტოიოტას მარკის ავტომობილებს.
  • 2019 წელს „ვოლვო ქარსმა“ და „თეგეტა მოტორსმა“ თანამშრომლობის მემორანდუმი გააფორმეს. მემორანდუმის საფუძველზე დაარსდა „ვოლვო ქარს თეგეტა“ და ვოლვოს სტანდარტების შესაბამისად აშენდა POP UP შოურუმი, უახლესი ავტომობილების სრული სამოდელო რიგია წარმოდგენილი.
  • „თეგეტა ავტო იმპორტი“ ჰოლდინგში შემავალი ახალი კომპანიაა, რომლის საქმიანობას ავტო აუქციონებიდან მეორადი ავტომობილების ჩამოყვანა წარმოადგენს. თეგეტა ავტო იმპორტი ახდენს ოპერირებას სხვადასხვა უმსხვილეს აუქციონზე, სადაც მსოფლიოს წამყვან სადილერო კომპანიებთან თანამშრომლობით ავტომობილის შერჩევა, შეძენა, საქართველოში ტრანსპორტირება და „თეგეტა მოტორსის“ სერვისცენტრებში სურვილისამებრ შეკეთება ხდება.
  • 2020 წელს დაარსდა ,თეგეტა ინდასტრი“ რომელიც ოპერირებს სამრეწველო სფეროში და არის სამრეწველო დანიშნულების ისეთი პროდუქციის უმსხვილესი იმპორტიორი, როგორებიც არის, ქვის სამტვრევი დანადგარები და მათი ნაწილებიბეტონის ქარხნებისაკონვეიერო ლენტებიფოლადის გვარლები და ა. შ. ამასთან ერთად ,,თეგეტა ინდასტრი“ მომხხმარებელს სთავაზობს რეალიზებული პროდუქციის თანმდევ სერვისს - სამონტაჟო, საგარანტიო და გარანტიის შემდგომ მომსახურებას.

  • 2020 წლის ივნისიდან თეგეტა რენტ ე ქარ, რომელიც 2018 წლიდან ოპერირებს ქართულ ბაზარზე, მსოფლიოში ლიდერი ბრენდის, EUROPCAR-ის ექსკლუზიური პარტნიორი გახდა საქართველოში. კომპანიის ბიზნესპროფილი გახლავთ ავტომობილების გაქირავება, როგორც ტურისტებისთვის, ასევე ადგილობრივი საცალო და კორპორაციული მომხმარებლებისთვის.

თეგეტა ჰოლდინგში შემავალ კომპანიებში  ჯამში 2000-ზე  მეტი თანამშრომელია დასაქმებული და დღეისათვის საქართველოში ერთ-ერთ მსხვილ დამსაქმებლად ითვლება. ჰოლდინგი  ერთ-ერთი პირველი იყო, რომელმაც 2009 წლიდან ბიზნეს პროცესების ავტომატიზაციისა და მუშაობის ეფექტიანობის გაზრდის მიზნით, გერმანული პროგრამა SAP დანერგა, წარმატებით გაიარა ინსპექტირების გარე საკონტროლო აუდიტი, დანერგა შრომის უსაფრთხოებისა და ჯანმრთელობის მართვის ISO 18001:2007  და გარემოს დაცვის მენეჯმენტის ISO 14001:2015 სტანდარტები. თეგეტა მოტორსი არის პირველი ქართული კომპანია ავტოინდუსტრიის სფეროდან, რომელმაც Fitch -ის რეიტინგი მიიღო და ევროპულ საკრედიტო რეიტინგს BB–ს (BB მინუსს) ფლობს.

მუდმივი ინოვაციების დანერგვა და ციფრული ტრანსფორმაცია ჰოლდინგის წარმატების საფუძველია:

თეგეტა მოტორსის უნიკალური სერვისის, “თეგეტა კომფორტის” საშუალებით კომპანია თავის კლიენტებს ავტომობილის სერვის ცენტრში მისვლის გარეშე შეკეთების საშუალებას აძლევს. ამ სერვისის განხორციელებით თეგეტა მოტორსი უქმნის კომფორტს მათ, ვინც აფასებს დროს და არჩევს, თავიდან აირიდოს პრობლემის გადაჭრის პროცედურები.

თეგეტა ერთ ერთი პირველი იყო, ვინც საქართველოში, საავტომობილო სფეროში ელექტრონული კომერცია შესთავაზა სამომხმარებლო ბაზარს. TEGETASHOP.ge - ს საშუალებით მომხმარებელს შეუძლია თეგეტას ასორტიმენტში არსებული ნებისმიერი პროდუქცია შეიძინოს სახლიდან გაუსვლელად.

 

საინფორმაციო საიტი და დამხმარე სახელმძღვანელო პორტალი MYCARHISTORY, როგორც საცალო, ისე კორპორაციულ მომხმარებლებს საშუალებას აძლევს ერთ სივრცეში მოიძიონ ინფორმაცია ავტომობილზე, ან/და ავტოპარკზე გაწეულ ნებისმიერ სერვისზე თეგეტა მოტორსის ცენტრებში, ნახონ თეგეტაში შეძენილი პროდუქციის ინვოისები, გაფილტრონ სხვადასხვა ნიშნით და ისარგებლონ ონლაინ რეზერვაციით ნებისმიერ ფილიალში, ნებისმიერ სერვისზე,

თეგეტა მოტორსი მომხმარებელს სთავაზობს საქართველოში უნიკალურ მულტიფუნქციურ სადიაგნოსტიკო მოწყობილობას G – CONNECT, რომელის საშუალებითაც, მომხმარებელს შესაძლებლობა აქვს აკონტროლოს თავისი ავტომობილის ტექნიკური მდგომარეობა და გაუმართაობის შემთხვევაში ონლაინ დაგეგმოს სერვისი თეგეტა მოტორსის ნებისმიერ სერვის ცენტრში, გარდა ამისა, პროგრამას გააჩნია ჯიპიესის სტანდარტული ფუნქცია და დამატებითი ოფციები, რომელიც მომხმარებლის კომფორტზე არის ორიენტირებული.  

2016 წელს კომპანიამ წარმატებით განახორციელა პროექტი tax free. პროექტს საფუძვლად დაედო საკანონმდებლო ცვლილების ინიცირება, რომელიც გულისხმობს არარეზიდენტი პირების ავტომობილებზე დამონტაჟებული საბურავების დღგ-ს გადასახადის დაბრუნებას. ამ ეტაპზე პროექტი წარმოდგენილია 4 მობილური სერვისის ავტომობილით და 4 სავაჭრო ობიექტით.

კომპანიის ერთ - ერთ უმთავრეს ღირებულებას სოციალური პასუხისმგებლობა წარმოადგენს. ამ კუთხით ჰოლდინგი ოთხი მიმართულებით მუშაობს:  გარემოს დაცვა, ქალთა გაძლიერება, ინოვაციების მხარდაჭერა და განათლების ხელშეწყობა,.

თეგეტა ერთადერთი კომპანიაა ინდუსტრიაში, რომელიც ავტორიზებულ პროფესიულ კოლეჯს „თეგეტა აკადემიას ფლობს“ და ყოველწლიურად ასეულობით ახალ კადრს ამზადებს საავტომობილო სფეროსთვის. თეგეტა აკადემია, როგორც ჰოლდინგის შვილობილი კომპანია 2017 წელს დაარსდა და 2019 წელს ოფიციალურად მიიღო პროფესიული კოლეჯის სახელმწიფო ავტორიზაცია. მისი მიზანია მაღალკვალიფიციური სპეციალისტების მომზადება და პროფესიული განათლების პოპულარიზაცია ქვეყანაში.

მრავალი წლის მანძილზე განხორციელებული არაერთი სოციალური, თუ საქველმოქმედო პროექტის საფუძველზე, კომპანიამ სოციალურად მაღალი პასუხისმგებლობის მქონე დამსაქმებლის სტატუსი მოიპოვა და ავტოინდუსტრიის სფეროში ხარისხის უმაღლესი სტანდარტი დანერგა. 

თეგეტა მოტორსის ბიზნეს მოდელი უნიკალურია და მსოფლიოში ანალოგი არ მოეპოვება. 2020 წელს მოხდა თეგეტას სრული იჯაილ ტრანსფორმაცია. ბიზნეს მიმართულებების მიხედვით ჩამოყალიბდა სხვადასხვა კომპანია, რომლის მართვასაც თეგეტაში გაზრდილი მაღალპროფესიონალი კადრები უზრუნველყოფენ

თეგეტა მოტორსი - სტანდარტი 1995 წლიდან.

მნიშვნელოვანი მოვლენები

მისია და ღირებულებები

ჩვენი მისია

ჩვენი მოღვაწეობა ეფუძნება კლიენტებთან, პარტნიორებთან და პერსონალთან გრძელვადიანი თანამშრომლობის პრინციპებს. ჩვენი მისიაა პროფესიონალიზმით, თავდადებითა და ახალი ტექნოლოგიების დანერგვით შევქმნათ მომსახურების უმაღლესი სტანდარტი და ავტოსერვისის ახალი კულტურა საქართველოში.



კორპორატიული ღირებულებები

ჩვენ ვართ საქართველოს ბაზრის ლიდერი კომპანია და ვმართავთ ბიზნესს კეთილსინდისიერად და ეფექტურად. ჩვენი მიზანია ქვეყნის ფარგლებს გარეთ გავიტანოთ უნიკალური „ნოუ-ჰაუ", რომელიც შევქმენით მრავალწლიანი წარმატებული განვითარების შედეგად.

შვილობილი კომპანიები

ტოიოტა ცენტრი თეგეტა

2013 წელს საქართველოში ტოიოტას ახალი სერვისცენტრი, თეგეტა მოტორსის შვილობილი კომპანია – ტოიოტა ცენტრი თეგეტა დაარსდა. 2013 წელს თეგეტა მოტორსსა და ტოიოტა კავკასიას შორის ურთიერთთანამშრომლობის შეთანხმება შედგა, ხოლო 2014 წელს კომპანიამ ტოიოტა კავკასიისგან ტოიოტას დილერისა და ავტორიზებული სერვისცენტრის სტატუსი მიიღო. კომპანია მონობრენდულია და მისი მომსახურება სრულიად ტოიოტას ბრენდის ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, აღნიშნული პროექტი განხორციელდა ს. ს. თიბისი ბანკისა და ევროპის რეკონსტრუქციისა და განვითარების ბანკის (EBRD) მხარდაჭერით, რომლის დროსაც თეგეტა მოტორსმა 11 მილიონამდე ლარის ინვესტიცია განახორციელა.

თეგეტა ინდასტრი

კომპანია დაარსდა 2020 წელს. ,,თეგეტა ინდასტრი“ ოპერირებს სამრეწველო სფეროში და არის სამრეწველო დანიშნულების ისეთი პროდუქციის უმსხვილესი იმპორტიორი, როგორებიც არის:

  • ქვის სამტვრევი დანადგარები და მათი ნაწილები
  • ბეტონის ქარხნები
  • საკონვეიერო ლენტები
  • ფოლადის გვარლები
  • სამრეწველო და ჰიდრავლიკური შლანგები
  • შედუღების ელექტროდები
  • სამრეწველო და საგარაჟე სექციური კარები

ამასთან ერთად ,,თეგეტა ინდასტრი“ მომხხმარებელს სთავაზობს რეალიზებული პროდუქციის თანმდევ სერვისს- სამონტაჟო, საგარანტიო და გარანტიის შემდგომ მომსახურებას.

მაზდა ცენტრი თეგეტა

მაზდა ცენტრი თბილისი ქართულ საავტომობილო ბაზარზე 2012 წლის მაისში შემოვიდა. საქართველოში მას წარმოადგენს შპს თეგეტა პრემიუმ ვიიქელს, რომელიც თეგეტა მოტორსის შვილობილი კომპანიაა. ავტოსალონი წარმოდგენილია სამოდელო რიგის უახლესი ავტომობილებით თეგეტა მოტორსის სათაო ოფისში. მაზდა იაპონური ავტომწარმოებელია, მისი ისტორია 1920 წლიდან იწყება. მსოფლიოში მაზდა ცნობილია იაპონური ხარისხით, გამძლეობით და დახვეწილი დიზაინით. მაზდა განთქმულია ძრავის წარმოების ტექნოლოგიებით. ეს არის ერთადერთი კომპანია, რომელმაც სერიულ წარმოებაში გაუშვა ავტომობილები ვანკელის როტორული ძრავით. იგი არის ერთადერთი იაპონური მწარმოებელი, რომელმაც მოიპოვა გამარჯვება Le Mans 24 საათიან რბოლაში გამძლეობაზე.

პორშე ცენტრი თბილისი

შპს "თეგეტა პრემიუმ ვიიქელსმა" 2011 წელს მოიპოვა პორშეს ოფიციალური იმპორტიორის სტატუსი საქართველოში და ამავე წელს თბილისში გაიხსნა პორშეს ცენტრი. კომპანია ქართველ ავტომფლობელებს სთავაზობს პორშეს უახლესი სამოდელო რიგის მთელ სპექტრს.

თეგეტა თრაქ & ბას

2006 წელს დაარსდა თეგეტა მოტორსის შვილობილი კომპანია შპს თეგეტა თრაქ & ბას – ერთ-ერთი უმსხვილესი გერმანული საავტომობილო კონცერნის, MAN TRUCK & BUS ოფიციალური წარმომადგენელი საქართველოში, რომელიც სპეციალიზირდება სატვირთო ავტომობილების, სამშენებლო ტექნიკის,ავტობუსების, მუნიციპალური და სხვა სახის სპეც-ტექნიკის რეალიზაციისა და რეალიზაციის შემდგომი საგარანტიო მომსახურების სფეროში. დღეისათვის თეგეტა თრაქ & ბასი, ისეთი მძიმე და სოფლისმეურნეობის ტექნიკის მწარმოებელი კომპანიების ოფიციალური წარმომადგენელი და პარტნიორია საქართველოში, როგორებიცაა: MAN SCHMITZ CARGOBULL, CIFA  და სხვა. 

თეგეტა ქონსთრაქშენ ექვიფმენთი

2007 წელს დაარსდა თეგეტა მოტორსის შვილობილი კომპანია შპს თეგეტა კონსტრაქშენ ექუიპმენტი – JCB-ის და DRESSTA-ს, ოფიციალური პარტნიორი საქართველოში. კომპანია გთავაზობთ ცნობილი ბრიტანული ბრენდის, JCB-ის სამშენებლო და საგზაო ტექნიკას სრული საგარანტიო მომსახურებით, ასევე ნებისმიერი სამშენებლო ტექნიკის სერვისსა და სათადარიგო ნაწილებს.

თეგეტა აკადემია

“თეგეტა აკადემია“ ახლანდელი სახით შეიქმნა 2017 წელს სერვისების გაუმჯობესების, კადრების პროფესიული განვითარების, ახალი ცოდნისა და საერთაშორისო გამოცდილების გაზიარების მიზნით.

სასწავლო ცენტრის უმთავრეს მისიას წარმოადგენს ქვეყანაში პროფესიული განათლების პოპულარიზაცია.  2019 წლიდან აკადემიას მიენიჭა ავტორიზებული პროფესიული კოლეჯის სტატუსი.

დაარსების დღიდან „თეგეტა აკადემია“ წელიწადში 80-ზე მეტი ტრეინინგს ატერებს. სასწავლო ცენტრები აღჭურვილია საკონფერენციო დარბაზებით, კომპიუტერული ლაბორატორიითა და ბიბლიოთეკით.

გვიპოვნეთ რუკაზე

გახსენით